أفرحي ياديرة العز

……………….

أفرحي ياديرة العز ومناره
أفرحي في يوم توحيد الجزيرة

يوم ذكرى من جمع ربعه وداره
بعد ماكانت حروب مستطيره

الملك عبد العزيز اللي انتصاره
كان فجر يجعل الظلماء سفيره

تحت راية بيرق يبقى شعاره
كلمة التوحيد يااعظم شعيره

هي لنا دار الشرف وارض الطهاره
مالها وصف على ذا الكون ديره

هي لنا دار مكانتها الصداره
لين جينا للنجوم المستديره

مجدنا حد السماء علم وحضاره
وفي الفضاء رواد للتاريخ سيره

سته وتسعين عام أشرق نهاره
فوق دار كلها صارت عشيره

تحت حكم اللي ينومسنا قراره
بين عزم وحزم بفعول شهيره

الملك سلمان من يفزع لجاره
الملك سلمان من يامن جويره

الفراسه والزعامه والاماره
هي صفاته ويتقاسمها شويره

من خذا مجده وراثه مااستعاره
ذا ولد سلمان حلاّل الكبيره

رؤويته بين التطور والمهاره
تنمية قدرات للناس وبصيره

العدو اسقاه غاره بعد غاره
لين شب القاع من تحته سعيره

حن كذا لي صار في الوقت استداره
نخلف العدوان من ضرب الذخيره

ومن يصافينا على العليا مساره
حن مراسيل السلام وحن سفيره

الشاعر/ حسين القفيلي