الصمت شاب
الصمت شاب وصاحب العقل حيران
والدمع له في صفحة الخد مجرى
أنا سجين الليل والحزن سجان
وانا الاسير لماضيٍ فيه أسرا
الصدر شبت فيه ياسعود نيران
للي لهم في طارف البال ذكرى
ماقدر اداري ما احسه بكتمان
ولا اقدر عليها يافتى الجود صبرا
هذي منازل من لهم عندنا شان
اللي لهم بالقلب حبٍ وقدرا
خلوا منازلهم وشدوا بالأضغان
وعيت جروح افارقهم امس تبرى
قدامها لو هي حجر اضعف انسان
وبحالتي ربي عليم ٍوأدرى
كنا وكانوا بالوفا خير جيران
على النقا في كل عسرٍ ويسرى
ماكننا إلا ياعرب مثل الاخوان
وقلوبنا مثل البساتين خضرا
وقفه عليها حركت في الاشجان
واحس في صدري من الشوق جمرا
الشاعر / فهد عبدالله الحربي
