هذي رسالة … نصها دون عنوان
هذي رسالة … نصها دون عنوان
من شاعرٍ بيح من الضيق سده
نضحك نسولف كلنا مثل الاخوان
لكن على ماقيل للكل حده
أقدرك وانته بعد مثلي إنسان
لابد ماتعطي من القدر قده
حتى العلاقه ترتفع فوق يافلان
جسر التفاهم بيننا اليوم مده
على النقى نبني لنا اليوم بنيان
والا المجامل صرح الاحباب هده
بعض المجامل فيه للرجل نقصان
ماهو لحرٍ جاذبه عرق جده
وبعض الميانه ذل فيها وحقران
لازاد حد الشي بيصير ضده
مااقولها لك قصدي اليوم زعلان
لكن كلامٍ تستحي منه بده
ولاني بضيق صدر واللي حصل كان
ولاني بسأل ليش او ويش قصده
من زود المعيار بالمزح غلطان
والرجل مزحه مايجي وقت جده
