آمنين
آمنين وآمنين ..غصب عنهم آمنين
هذه دعوة نبي .. قالها لربٍّ عظيم
اجعل ربي هالبلد آمنا للساكنين
انصره على العِدا نصر يسمع له هزيم
هذه أرض النبي قبلةٍ للمسلمين
كمّ فيها من شجاعٍ كم فيها كريم
فيها انصار النبي واللي معْه مهاجرين
وحنا جينا بعدهم ننصر الدين القويم
لو يجون اعداءنا ضدنا متكاتفين
مانهاب الموت وحنا ورى قائد حكيم
كلنا في ساعة الشدة قلبٍ مايلين
ومن يحاول كيدنا نقلب الدنيا جحيم
هذه اطهر بلد من حكام وتابعين
هذه هي ارضنا نشوفها جنة نعيم
والملك فعيوننا الملك قوي أمين
هذا سلمان الحزم يلطم الخشم اللئيم
واما محمد عندنا ..وارث المجد الثمين
اعظم حاكم فالعصر كلمةٍ جت فالصميم
له ولاء بارواحنا له على طول السنين
رؤيته فوق السحب صاحب الراي السليم
آمنين وآمنين ..غصب عنهم آمنين
هذه دعوة نبي .. قالها لربٍّ عظيم
يوسف محمد الحربي
