قوس وربابه وشاعرية لاتنضب شاعر الجنادرية في احتفائية يخص صحيفة اخر اخبار الارض الالكترونية بقصيدتين٠٠٠
دونك ضلوعي لاتغني بلا قوس
ون ردتني للحزن قوس وربابه
ياللي بحاجر عينك الدمع محبوس
مدري سحايب هم ولا صبابه
حاول تبسم يصبح القفر مانوس
وتزهر نجوم وتنبت الارض غابه
مالله خلق هالزين لاحزان وعبوس
الا انخلق لاجل الفرح والرحابه
حلق وحلق ترمي اقمار وشموس
وتخضع لك قلوب الخلايق مهابه
ياكثر ما تعبت ورى زينك نفوس
تبغى الاجابه ماعطيت الاجابه
وانته حزين بوجهك الحسن محسوس
قلي علامك وش سبب هالكابه
شفني اغنيلك وانا مالي هجوس
صحيت جمري والوله والكتابه
#عبيدالدبيسي
