يالادمـي
يالادمـي لا تختلف في مباديــك
خـلك على سلــم الوفاء والمحبه
اللي كتبلك سامك العرش يرضيك
كنـز القنـاعـــه راحتـــاً مستتبــه
ارض اللـه ولا تلتفت من حواليـك
لا ترخـــي اذانك لصوت المنــبه
واحذر من اللي للمصالح يخاويك
صداقتــه مثل الهــواء في مـهبه
رفقـــة طماعه ماتسرك وتغـنيـك
مفعولــها ما ياصــل لـوزن حبــه
احرص على اللي في مباديه شاريك
مثل الذهب ما يختلف من مصـبه
من طيب راسه بالمواقف مصافيك
سيفــاً ليــا احتجتــه يبين مطبــه
واحذر من اللي بالسواليف يغريك
اللي على اعراض الخــلايق تشبه
يحــدك لسوق الردا ليــن يغويك
سـوق الخساره ما ربح من يطـبه
ولا تنصدم لو اقرب الناس يؤذيك
يوسف رموه اخوانه بوسط غبــه
مسك الخـتام اقول بيتً يكفيــك
نبذه عن اللـي مالقا الــطب طبـه
اخطر عدو ليا طـلع من بنيخيــك
حاســد تعدوالك علـى غير ســبه
وانته رجل فعلك مشرف وماضيك
شامـــخ ولا يلحق شموخك مسبه
الشاعر / عبدالعزيز الفايدي
مشاء الله تبارك الله اخي العزيز الغالي ويبارك فيك