هند الفهيد
الفتاوى
ليت من حصّل فقيه و قلت ودي
انشده عن أمر غذّا بي سهادي
المشايخ روّحوا مرواح جدي
الله يرحمهم جميع وكل غادي
و الفتاوى لاتجيب و لاتودي
كل واحد صار يحطب له بوادي
و من يده بالنار مايقوى التحدي
ومن يده بالماء يردد: ايه عادي
الدموع وسوم من جفني لخدي
والغبن يصفق و في صدري يْرادي
و البلا اني لو حكيت و باح سدي
مالقيت اللي يريّح لي فؤادي
وليت لا ناديت يسمع من يردي
والحقيقة لاحياة لْمن تنادي
