وريث الشعر والمجد والتاريخ والإبداع والصيت كيف لا وهو حفيد القائل:
الله نشد ياحمود عن معرفة يوم
وحنا ثمان سنين ياحمود جيران
٠٠٠٠٠
سلطان نهار امتداد لمجد يعانق عنان السماء وقصيدة ولا أروع.
٠٠٠٠٠٠٠٠
بعض البشر عرفه يزيدك معالي
وبعض البشر عرفه يجيب البهاذيل
أحدن لفعل الخير ساق الريالي
وأحدن لفعل الشر ينساق ويعيل
وأحدن إليا جيته يشيل الثقالي
وأحدن إليا جيته لهو بارد الحيل
وأحدن تعلى فوق روس الجبالي
وأحدن محدر وأدي وشاله السيل
وأحدن فعوله تحت بطن النعالي
وأحدن فعوله كنها الجدي وسهيل
وأحدن تسوقه سوق مثل الجمالي
وأحدن تسوقه مثل سوق الفناجيل
ولاتخاوي الا طيبين العيالي
لاتخاوي إلا مبهرين المعاميل
ولا تسأل إلا عن خيار الرجالي
أللي صحيح إيقال عنهم رياجيل
وأنا على مولاي كل إتكالي
لاخذ ولا أبغى أخذ على الناس توكيل
وكان المهبل وارثين الهبالي
حنا ورثنا علاج يشفى المهابيل
أقولها صادق ولا ني مبالي
وأللي زعل يروح يشرب من النيل
سلطان نهار الأحمدي
جهود شاعرنا الكبير عبيد الدبيسي في إدارة هذه الزاوية الشعرية جهود كبيرة يشكر عليها، نتمنى له مزيدا من الإبداع والتألق.
سلطان بن نهار الأحمدي
صح لسانك ورحم الله والديك
تستاهل بيارق الشعر 🫶🏻
صح لسان الشاعر سلطان الاحمدي ولاهي غريبه الجزاله والشجاعه على أحفاد مفضي بن ولمان الاحمدي
صح لسان الشاعر سلطان الاحمدي ولاهي غريبه علي احفاد مفضي ابن ولمان الجزاله والشجاعه
صح السانك الشاعر سلطان ابو تركي وبيض الله وجهك درر يالامير
الله يوفقك يابو تركي
ونعم يابو تركي وصح الله لسانك
صح لسانك ياسلطان نهار وفالك التوفيق