ابونادر الطويلعي وقصيدة يفوح منها عطر القوافي ، يكتب بصمت منذ زمن٠٠ بعيد عن آلة الإعلام ، اشتهرت قصائده ، وعرف عنه الجزالة في الشعر والجود والكرم٠
٠٠٠٠٠٠٠٠٠
الله من قلباً يتل المعاليق
ويفوح في صدري كما فوح دله
فنجالها يكفيك عن فكة الريق
في مجلسٍ كل النشاما تدله
على الرجال اللي تفك المغاليق
والى انعقد حبل القضية تحله
وسبحانه اللي عالم بالمخاليق
اللي عباده ساجدين رضا له
انا اشهد ان الطيب وهبه وتوفيق
وكلن يحصل ماكتب في سجله
اليا نصيت انص الرجال المطاليق
ولا الردي لو هو ولد عم خله
العفن ماينفعك في حزت الضيق
واليا طلبته حاجتا قال لله
وده بفعل الطيب لاشك مايطيق
عصم الشوارب ماتشرف محله
هذاك فعله مثل فعل التفاريق
منديل في جيبك يسد بمحله
كلمة نعم في مثل شرواه ماتليق
تليق باللي مجلسه ماتمله
اللي على الشدة مثل قمة طويق
مع قوة الأرياح ثابت محله
بينه وبين الطيب عقد ومواثيق
ماينقض الميثاق مهماحصله
لو حاولو هل الرداء المطافيق
اللي يبيه بقدرة الله يا صل له
صلو على اللي سيرته تفرج الضيق
رسولنا اللي كلنا فدوة له
حنس بن سلمان الطويلعي العنزي
اللهم صل على محمد صح لسان الشاعر