عبد الله الشريف أيقونة الشعر والألحان والألوان الممزوجة برائحة جمال أزهار الجنوب وشموخ جباله ورجاله مبدع هذا الشامخ بشعره وطيبة قلبه كيف لا وهو صاحب قصيدة قصر عالي التي تناقلها الركبان وتغنى بها العشاق المتعبون وأراحت قلوبهم.
٠٠٠٠٠٠
كلام عيا يجتمع ولا على مثلك كلام
بعض الكلام يبعثر المشتاق قبل انه يجمعه
ولا على مثلك عتب ولا على مثلي ملام
بين الرجا والياس اصل حبل الموده واقطعه
لا النور طمن خافقي ولادفن همي الظلام
ولا الزمن يرجع يواسي كل من عض اصبعه
اشتقت اسلم والسلام يخاف من رد السلام
كم من كريم سلم وعيا الزمن لا يسمعه
لا تعجبين ان صغر ظل اللي عيونه ماتنام
حتى ظلاله مال في صفك وعيا يتبعه
ذخرك سنامك ياجمل ولا الجمل ذخر السنام
صرت احسب الوادي جبل واشوف الاثنين اربعه
احيان احس اني جبل واحيان احس اني حطام
واحيان يقنعني زماني غصب عني واقنعه
اشوف في عينك جفا واحيان اقول انه غرام
واحيان اغض الطرف قبل اضيع وسط المعمعه
يامقلة تبري السهام وقوسها يرمي السهام
لا تقتلين اللي يرى عينك سماه ومربعه
حتى ولو فيها جفا حتى ولو فيها خصام
عين الرضا تشهد على العاشق ولا ولا تشهدمعه
ثغرك ختام المسك ولا بسمتك حسن الختام
بسمتك فيهارغم ضيق الكون والدنيا سعه
ماقلت لك بعض الكلام يذوب في بعض الكلام
ولا دفع عنا ضرر ولا جلبنا منفعه
عبدالله الشريف
